طريقة حساب المحاليل الوريدية

(حساب المحاليل)

بنبتدى نحسب من 60 مل لكل كيلو او 70مل لكل كيلو او 80 مل لكل كيلو

معناها انى هضرب الكميه فى وزن الطفل  طيب احسب على كميه قد ايه قالك اول يوم لو الطفل فول تيرم بنحسب على 60 مل/ كيلو ولو 37 اسبوع بنحسب علي 70مل/كيلو  ولو اقل من او يساوى 36 اسبوع بنحسب اول يوم على 80 مل/كيلو

طيب يعنى ايه الارقام دى قال لما تضرب الكميه فى الوزن دا مجموع السوائل الى المفروض تدخل جسم الطفل دا فى خلال ال 24 ساعه والسوائل دى تشمل :

v رضاعه او ادويه او محالبل او TPN (total parenteral nutrition)  وهكذا 

طيب نعوض فى معادله طفل 38 اسبوع وزنه 3 كج مولود قيصرى اول يوم فى عمره بياخد يوناسين و سيفوتاكس وبيرضع 5 سم لبن  كل 3 ساعات مع مراعات الاحتياطات الازمه

هنضرب

60× 3 = 180 مل

180  دا مجموع السوائل الى هتدخل الجسم هنخصم منهم الادويه مش هى سوائل بردو

هو بياخد يوناسين مرتبن بنحل يوناسين 375 × 5 ملى  محلول ملح او ماء مقطر وبندى الوزن ( محفوظه لحد ما نشرح ازاى تحسب الدواء )  يعنى هياخد مرتين 3 م يبقى هيوصل الطفل 6 ملى من البوناسين ف اليوم كله

والسيفوتاكس  500× 5 م م وبنعطى نص الوزن يعنى 1.5 م

مرتبن فى اليوم يبقى

هيوصله فى ال 24 ساعه 3 ملى سيوفتاكس يبقى هنقص

3+ 6 =9

الى هما مجموع الادويه الى بياخدها فى ال 24 ساعه من مجموع السوائل الى المفروض تدخل جسم الطفل الى هما 180

180 - 9 =  171مل

دا مجموع السوائل الى هياخدها فى ال 24 ساعه يبقى نقسم

171ملى  ÷ 24 ساعه = 7.1 دا معدل المحاليل هيوصل للطفل7.1 ملى فى الساعه

طيب الطفل دا اموره اتحسنت وعاوز اضيفله رضاعه هنزود الرضاعه مكتوب عندى انه بياخد لبن 5 ملى كل 3 ساعات

اليوم كله فى كام 3 ساعات هنقسم 24 ساعه على 3

24÷ 3 = 8 مرات هرضع الطفل 5 ملى لبن

يبقى لما اعوز اعرف هو بياخد قد ايه لبن هضرب كميه اللبن فى عدد المرات

5× 8 = 40 ملى لبن فى اليوم كله .

مش اتفقنا ان اللبن والادويه من السوائل الى بتدخل الجسم يبقى نخصمهم

احنا كنا خصمنا 9 من 180 طلع 171

نخصم كمان منهم 40 رضاعه يبقى 131 ملى محلول المفروض ياخدهم فى 24 ساعه هنقسم بردو 131 محلول على 24 ساعه

131÷ 24 =5.4 مل لكل ساعه  دا معدل السرنج .

دا اليوم الاول للطفل طيب اليوم التانى هزود 10 عن الى حسبت عليه فى الاول يعنى اول يوم حسبت على 60 تانى يوم هحسب على 70 واعيد الحسبه كلها من الاول

طيب لو تانى يوم دا الطفل اصفر وحتيطه على واحد فوتو سنجل يبقى هزود عشره في الميه من مجموع السوائل الى هتدخل جسم الطفل و كل واحد فوتو بنزودله 10  في الميه

يبقى عشان ما نتوهش كل ما الطفل يكبر يوم بزود 10 ولو ضفت فوتو كل فوتو بزود عشره  في الميه بعدما اخلص حساب ازود 10% من مجموع السوائل الى هتدخل جسم الطفل في ال 24 ساعه  لكل واحد فوتو

طيب هدى للطفل محلول ايه أصلا ( في شرح هينزل بانواع المحاليل واستخدامها لكل حاله )